Telashe për Ben Blushin: fotografohet me kapobandën e Durrësit

Ben Blushi është bërë lajm sot pas një fotografimi me të fortin e Durrësit, Lulzim Berisha, që e ka takuar në qytetin bregdetar në kohën që po bënte takime elektorale të LIBRA-s.

Foto-ja ka bërë xhiron në rrjet, por Blushit, i cili ka akuzuar Edi Ramën për shoqërinë me të fortët, i është dashur të kafshojë buzët.

Edhe në këtë rast ka akuzuar sërish Edi Ramën.

Në një postin në Facebook, Blushi shkruan:  “Sot isha në Durrës dhe siç më ndodh kudo ku shkoj pranova të bëj foto me dhjetëra qytetarë të cilët afrohen dhe më takojnë pa i njohur. Pa mbërritur në Tiranë disa portale nxorën lajmin se paskam bërë një foto me Lul Berishën një njeri kundër lirimit të të cilit kam mbajtur nja tre fjalime në parlament. Unë nuk e di nëse ky që ka ardhur të bëjë foto me mua është apo jo Lulzim Berisha, por nëse është ai portalet duhet ta marrin ne telefon dhe ta pyesin pse erdhi të fotografohet me mua. Kush nuk e ka numrin le t’ia kërkojë Edi Ramës. Megjithatë shikoni videon më poshtë për të kuptuar se as e njoh këtë njeri që takova në bulevardin kryesor të Durrësit. /tesheshi.com/