Ka gjëra në jetë që i urrejmë dhe i bëjmë vetëm me gjysmë zemre. Lajmi i mirë është se ka një kurë për përtacinë, të cilën e kanë shpikur japonezët.
Nëse e urreni të bëni ushtrime, nuk dëshironi të lexoni një libër apo të mësoni diçka që ju duhet, mjafton të provoni teknikën Kaizen. Ndoshta tingëllon si një reklamë nga TV Shop, por është në fakt një gjë shumë praktike.
Teknika konsiston në faktin që t’i thoni vetes: “Eja ta bëjmë këtë për gjashtëdhjetë sekonda.” Dhe, literalisht e merrni një libër dhe mësoni vetëm për 60 sekonda, as një sekondë më pak, as një sekondë më shumë. Me kalimin e kohës, kjo fillon të kalojë në argëtim dhe ju filloni të rrisni minutazhin tuaj. Në mënyrë të pavetëdijshme do të vini në një pikë kur do uleni me libër në dorë për një orë, duke mos e ndier këtë fare.
Ngjashëm veproni nëse ndieni përtesë për të ushtruar. Fillimisht ushtroni 60 sekonda dhe vazhdoni me aktivitetet tjera. Të njëjtën teknikë mund ta përdorni në baza ditore, qoftë me larjen e enëve apo ndonjë punë tjetër, përpiquni që të kryeni për 60 sekonda. Në këtë mënyrë ju do fusni shpirtin konkurrues.
Kaizen është një fjalë e përbërë nga dy fjalë: Kai-ndryshim; Zen – urtësi. Pra, ajo përfaqëson urtësinë e ndryshimit të zakoneve tona dhe largon dembelizmin. Nëse urreni ta kryeni një punë, vetëm mendojeni sa mirë do të ishte ta bëni atë për vetëm 60 sekonda dhe çështja u zgjidh./tesheshi.com/
