Opozita u takua me “kreun e pashpallur” të saj, presidentin Meta, thirrur nga ky i fundit me shqetësimin e përbashkët të shembjes së godinës së vjetër të TK.
Në finalë, Meta ka kërkuar kthimin në tryezën e braktisur të reformës zgjedhore, e Basha është bindur për këtë, pasi ka deklaruar se dëshiron ta sfidojë Ramën pikërisht me zgjedhje.
“Kreu i Shtetit shprehu shqetësimin e thellë për ngjarjen e fundit të shembjes së paligjshme të Teatrit Kombëtar dhe e cilësoi atë si provokim për demokracinë, shtetin ligjor, por edhe për Opozitën e Bashkuar dhe natyrisht ndaj vlerave europiane.
Presidenti Meta i informoi për përpjekjet dhe propozimin prej Tij të një platforme konkrete gjithëpërfshirëse për integrimin europian.
Presidenti Meta theksoi rëndësinë që Opozita e Bashkuar të japë kontributin e saj në Këshillin Politik për të treguar vullnetin për rikthimin e legjitimitetit të të gjithë institucioneve përmes zgjedhjeve të lira e të ndershme”, u tha në njoftimin e Presidencës.
“Gjatë takimit të koalicionit opozitar me Presidentin Meta diskutuam për krizën dhe rrugëdaljen prej saj: shqiptarët do të shpëtojnë kur, të bashkuar kundër së keqes, do t’u drejtohen kutive të votimit me te gjitha garancitë për zgjedhje të lira dhe të ndershme”, tha nga Basha. /tesheshi.com/
