Aktori Edmond Budina, një ndër emrat themelues të PD-së në ’90 por asnjë ditë figurë e saj prej asaj kohe e në vijim, është rikthyer si protagonist edhe politik, ku, në mbrojtje të godinës ekzistuese të TK-së, e cilëson Ramën, ish-koleg të tij në Akademinë e Arteve, si fashist.
“I them faleminderit opozitës që na mbështeti në këtë aksion. Tani ne duhet ta shembim diktaturën fashiste që ka pushtuar vendin. Opozita duhet të jetë në krye të kësaj lëvizje dhe ne duhet ta çlirojmë vendin nga kjo bandë kriminele”, u shpreh aktori i njohur.
“Të lutem mos e shkatërroni këtë teatër. Çdo njeri që ka marrë pjesë në këtë sallë për mendimin tim është një hero. Jam këtu si qytetar, prandaj i vlerësoj të gjithë qytetarët dhe jo vetëm artistët”, tha ai. /teshesh.com/
