Dalja e një treni pasagjerësh nga shinat në një stacion në Nju Xhersi dhe përplasja e tij u mori jetën më së paku tre personave, ndërsa më shumë se 100 të tjerë mbetën të plagosur. Një pjesë e mirë e të plagosurve janë në gjendje kritike.
Incidenti ngjau në stacionin Hoboken, pasi treni nuk arriti të frenojë siç duhet dhe doli nga shinat, duke përfunduar mes pasagjerëve në pritje për të udhëtuar.
Mendohet që brenda vagonëve të shkatërruar të ketë të tjerë njerëz.
Pamjet e bëra të njohura në mediat sociale tregojnë për dëme të konsiderueshme në stacion, një prej qendrave më të ngarkuara të tranzitit në atë zonë. /tesheshi.com/
