Kosova regjistroi të 17-in rast me infeksion nga koronavorusi.
“Deri më sot në Kosovë në Laboratorin e Mikrobiologjisë në IKSHP janë analizuar 271 mostra të dyshimta me koronavirus Covid-19 dhe 17 prej tyre kanë rezultuar pozitive”, deklaroi ministri i Shëndetësisë Arben Vitia.
Rasti i fundit i konfirmuar është familjar i pacientit nga Dumnica, rastit të parë nga ky vend – sqaroi Vitia, duke njoftuar njëherësh se gjendja e të prekurve të deritanishëm është stabile, përveç 77-vjeçarit nga Stublla e Vitisë, i cili herë pas here po asistohet me oksigjenoterapi.
Gjithashtu, ministri Vitia tha se janë 500 shtretër gati në rast fluksi të infektuarish, ndërkohë që 150 vullnetarë janë shprehur të gatshëm për t’u integruar në shërbim.
Kosova, edhe pse ka më pak të infektuar se Shqipëria, pasi aty u regjistruan rastet e para tre ditë pas, ritmet e infektimit i ka pothuajse të përafërta.
Diferencë bën fakti se në Kosovë, ndryshe nga Shqipëria që ka Tiranën si pikë të kuqe”, Prishtina mbetet e pastër pa asnjë rast. /tesheshi.com/
