Princesha Amalia, trashëgimtare e fronit hollandez, hoqi dorë nga e drejta e saj për të ardhura vjetore sepse nëse do të pranonte, tha ajo, do të ndihej jo mirë.
Vajza e madhe e mbretit Willem-Alexander i shkroi kryeministrit Mark Rutte se ajo donte të hiqte dorë nga të drejtat e saj për 1.6 milion euro në shpenzimet personale dhe shtëpiake.
Ajo e kaloi provimin e diplomimit të enjten dhe pas kësaj deklaroi në letër se nuk dëshironte para derisa të kishte detyrat e duhura mbretërore.
Amalia tha se pas mbarimit të shkollës, ajo synon të bëjë një pushim për një vit, dhe pastaj të fillojë studimet.
“Më 7 dhjetor 2021, unë do të jem 18 vjeç dhe, sipas ligjit, do të marr një ndihmë,” shkroi Amalia në një letër të botuar nga televizioni publik Hollandez NOS.
Do të kthejë 300,000 euro të ardhura në vit
“Unë mendoj se do të ishte e turpshme ndërsa nuk po bëj asgjë, ndërsa është shumë më e vështirë për studentët e tjerë, veçanërisht në këtë periudhë të virusit Corona”, shtoi ajo.
Ajo tha se do të shlyente 300,000 euro në vit të ardhura dhe nuk do të kërkonte 1.3 milion euro derisa të kishte shpenzime të mëdha në rolin e princeshës.
ISO shprehet se kjo është hera e parë që një anëtar i familjes mbretërore refuzon të kërkojë pagë dhe rimbursim të shpenzimeve.
Monarkia Hollandeze tejkaloi Britaninë si më e shtrenjta në Evropë, sipas një studimi nga 2012, shkruan Guardian.
Qeveria hollandeze vitin e kaluar ra dakord për një buxhet mbretëror prej 47.5 milion euro për 2021, duke mos përfshirë koston e vizitave shtetërore ose mirëmbajtjen e pallateve, me mbretin që merrte një pagë prej 998,000 euro dhe 5.1 milion në shpenzime zyrtare. /tesheshi.com/
