Edhe pse gjatë gjithë ditës së djeshme janë dhënë mbi 20 versione të takimit të Edi Ramës dhe Ilir Metës në Durrës, sërish e vërteta e plotë ende nuk është prekur.
Nga burime shumë të rëndësishme brenda mazhorancës, mësohet se takimi ka zgjatur fare pak dhe ka pasur rreth katër fjali të thëna nga secili.
Nuk ka pasur as menu ngjalash e as tone të larta.
Ka qenë vetë Edi Rama që i ka kërkuar Metës të takohen, siç bënin çdo javë kur Rama i shkonte kreut të Kuvendit në zyrë.
Atë që shumë gazetarë me shpotitje e cilësuan si “detyrim paraqitjeje”.
Takimi është bërë në vilën e Durrësit, vend i “pastër” nga ndonjë përgjim i mundshëm.
Prej kohësh, kryeministri tregohet mjaft i kujdeshshëm ndaj receptorëve elektronikë.
Fenomeni “Dritan Prifti” ka bërë punën e vet.
Siç mësohet, Edi Rama i ka kërkuar sqarim rreth takimit me Bashën, Koço Kokëdhimën, Rexhep Meidanit dhe zërave të medias pranë LSI-së që e trumpetojnë ish-presidentin për kryeministër teknik.
Ndërkohë Ilir Meta i është përgjigjur se qeveria ka rënë. Rama ia ka kthyer në formë pyetje: Ke ikur gjë ti? Dhe më pas i ka shtuar se problemin (Meta) nuk e ka me PS-në dhe me Edi Ramën por me Shtetet e Bashkuara të Amerikës, kështu që nuk mund ta rrëzojë qeverinë.
Mësohet që kryeministri t’i ketë thënë se “Nuk jemi as un e as ti që i bëjmë më qeveritë në këtë vend por tjetërkush”.
Dhe këtu është ndërprerë takimi, jehona e të cilit ka vazhduar gjatë ditës së djeshme me një panoramë të njëjtë, ku Meta ka vijuar presionin nëpërmjet takimit me Koço Kokëdhimën, për të cilin një njeri i Metës në media kërkoi të flasë e të nxjerrë të “palarat” për ish-mikun e tij.
Në këtë moment ka ndërhyrë Tom Doshi, i cili është nisur si mesazhier i Edi Ramës për t’i thënë diçka Kokëdhimës. Në mënyrën e Tomës…
Por vërtetë s’keni para gjë akoma! Këto ditë do të dalin nga muzeu arkeologjik i politikës edhe relike të famshme që bredhin nga një muze në një tjetër.
Flitet për antikuarë të vërtetë…
/tesheshi.com/
