Ndërkohë që tërmeti në Turqi ka kthye ankthin nga dridhjet e tokës nën këmbë, edhe te ne në Shqipëri, kryeministri Rama ka përsjellë imazhet e banesave të reja në ndërtim e sipër për ato familje që e pësuan nga tërmeti fatal i 26 majit 2019. Atë mëngjes drame, ky orë pas ore do formohej një bilanc tragjik prej qindra banesave të shembuara e të rrënuara, si dhe dhjetra të vdekurve, i pari i qeverisë shqiptare do i telefonte të parit presidentit turk, duke marrë prej tij mbështetje të menjëhershme si dhe premtimin për 500 banesa të reja për të pastrehët.
Tashmë pas afro katër vitesh, ndërsa një pjesë shqiptarësh janë rehatuar në banesat e reja, edhe ato nga Turqia, të tjerë presin akoma.
“Vazhdon merr formë lagja e re e Rilindjes pas tërmetit shkatërrimtar, e cila jo vetëm do të strehojë 996 familje të dëmtuara, por do të kthehet në një zonë urbane model, me hapësira të gjelbërta, shërbime publike, zona sportive e me radhë”, shkruan Rama për lagjen e re në Spitallë të Durrësit, ndërtime nga Emiratet, gjë që shfaqet dhe në ca linja arabe të pallateve në pritje.
Por ndërkohë është rasti për të kujtuar se Rama e Erdogan, si dy liderë miq, vuajnë ironinë e fatit që u kanë rënë që të dyve për hisë të përballen me tragjedi sizmike. /tesheshi.com/
