Ajo që paralajmëroi deputeti Ben Blushi ditë më parë në parlament, nisi këtë të hënë të marrë një formë më konkrete: Kërkesën për ndryshimin e Kushtetutës sa i përket zgjedhjes së Presidentit, për ta nxjerrë atë nga vota e popullit dhe jo nga parlamenti, që ndryshe do të thotë kalkulimet apo pazaret politike.
Eshtë “shoqja e saj e idealeve”, deputetja Mimoza Hafizi, e cilia paraqiti një listë me firmat 10 e deputetëve, të majtë e të djathtë, që mbështesin këtë nismë ligjore të ndërmarë prej tyre. Veçohen ndër ta, Agron Duka, Dashamir Shehi, Eduard Selami, Luljeta Arapi, Nard Ndoka, Tahir Muhedini dhe Vangjel Dule.
Ndërsa nga e majta, mbështetësja kryesore e kësaj inisiative politike, është Arta Dade.
“Një president i zgjedhur nga populli dhe jo nga Kuvendi, do të jetë figurë e pavarur nga politika e ditës dhe përfaqësues i unitetit të popullit në ushtrimin e detyrave të tij të rëndësishme kushtetuese”, thuhet në relacionin e kësaj nisme.
Aty thuhet gjithashtu se “sot diskutohet fort për reformën në drejtësi, por populli shiptar e ka të pamundur të marrë pjesë në këtë proces”.
“Me ndryshimin që ne propozojmë, popullit shqiptar i lind e drejta që të vendosë vetë për reformën në drejtësi dhe për reforma të tjera të rëndësishme”, thuhet më tej në relacion. /tesheshi.com/
