Votimi i pritshëm i reformës në drejtësitë enjten paradite në parlamentin e Shqipërisë, ka dalë tej një çështjeje tokësore. Së fundi, që ajo të miratohet, e që palët të gjejnë konsensus, janë lutur tre komunitetet e krishtera: ortodoksët, katolikët dhe Vëllazëria Ungjillore.
Ato kanë dalë me një deklaratë të përbashkët, ku thonë se janë duke ndjekur me interes dhe shqetësim rrugëtimin e reformës në drejtësi, gjatë të gjithë kohës që flitet për të, e se për këtë po i drejtohen dhe qiellit.
“Gjetja e një gjuhe të përbashkët në interes të vendit, jashtë interesit vetjak apo të një grupimi të caktuar politik, është sot misioni juaj i madh. Gjetja e konsensusit për miratimin e reformës në drejtësi do të shtojë besimin e popullit te faktori politik dhe do të ndikojë në ndërtimin e një të ardhmeje më të mirë, ku shteti i së drejtës do të jetë në shërbim të qytetarëve dhe të së mirës së përbashkët”, thuhet më tej në deklaratën e pazakontë.
Në deklaratën e kishave të krishtera thuhet më tej se “Ne premtojmë, thuhet se lutjet tona dhe të besimtarëve tanë i janë drejtuar Zotit për gjetjen e një gjuhe të përbashkët dhe miratimin e kësaj reforme. Paqja e Zotit qoftë me ju!”. /tesheshi.com/
