Nuk është një përqafim si gjithë të tjerët, mes dy të moshuarish, siç shumë persona mund të mendojnë. Është një përqafim historik, qe vjen nga dekadat e kaluara në ditët tona dhe që do të shënojë një moment të rëndësishëm në histori e në jetën e këtyre dy personave.
Ajo është 81-vjeçarja Eva Kor, viktimë e eksperimenteve naziste dhe keqtrajtimeve të realizuara në kampin në Auschwitz. Ai është 93-vjeçari Oskar Groening, një ish roje naziste i cili ka një proces gjyqësor të hapur në Gjermani, i akuzuar për pjesëmarrje në keqtrajtimin e hebreve.
Të dy janë takuar në sallën e një gjykate, në të cilën do të zhvillohej seanca ndaj ish nazistit.
“E di se shumë persona do të më kritikojnë për këtë fotografi por nuk më intereson. Jemi dy qenie njerëzore që po takohemi 70 vite pas një ngjarje të tmerrshme dhe me pasoja në jetën e të dyve. Unë e kam falur”,- ka thënë Eva
Ajo ka shtuar se nuk do të arrijë kurrë të kuptojë urrejtjen dhe gjestet e dhunës të ushtruara ndaj popullit hebre. I moshuari ish nazist ka treguar me detaje dhe imtësi çdo gjë që ndodhte në Auschwitz, duke pranuar përgjegjësitë e tij. Ai vijon të jetë i akuzuar për pjesëmarrjen në vrasjen e 330 mijë personave. /tesheshi.com/
