Në përditshmërinë tonë shumë pak mendojmë për ndotjen e ambientit dhe sesi veprimet tona ndikojnë në rritjen e ndotjes. Organizata Botërore e Shëndetësisë (OBSH) sapo ka publikuar një raport në lidhje me këtë temë.
Sipas raportit, 9 në 10 veta, ose ndryshe thënë gati 92% e popullsisë botërore thithin vetëm ajër të ndotur. Kjo ndotje nga ana tjetër shkakton probleme të mëdha shëndetësore.
Sipas OBSH-së, 3 milion njerëz vdesin çdo vit nga sëmundje të frymëmarrjes të lidhura me ndotjen e ajrit dhe shumica prej tyre vdesin për shkak të kancerit të fytit dhe atakut në zemër.
Ajo që ne kemi në dorë të bëjmë janë disa ndryshime të vogla në përditshmërinë tonë si përshembull shfrytëzimi sa më shumë i energjisë diellore, ecja në vend të transportit publik, përdorimi sa më pak i klimës apo dhe përdorimi i një llampe floreshente në vend të asaj inkandeshente. /tesheshi.com/
