Keni menduar gjithmonë se ky produkt ndikon direkt në peshën tuaj, duke e shtuar atë. Por në fakt kemi lajme të mira.
Nëse jeni duke mbajtur dietë për të humbur në peshë, çokollata duhet të përfshihet në dietën tuaj të përditshme, pasi përbërësit e saj do të ndikojnë pozitivisht për të rënë në peshë. Kjo ndodh sepse çokollatat ndikojnë në ruajtjen e baktereve të mira në zorrë. Të njëjtin rol luan edhe vera.
Referuar një studimi të kryer nga kolegji “King’s” në Londër vera e kuqe dhe çokollata ndihmojnë që njerëzit të mund të jenë më të shëndetshëm, kjo deri në momentin që nuk abuzohet me to. Sipas doktor Spector, i cili është edhe udhëheqësi i studimit që një dietë të jetë e suksesshme nuk duhet të jetë domosdoshmërisht e lidhur me numërimin e kalorive, por me aftësinë e disa ushqimeve për të ruajtur bakteret e mira në zorrë dhe për pasojë për të përmirësuar procesin e tretjes.
Ai shton se çokollata e zezë dhe vera ju bëjnë të ndiheni më të lumtur, pasi i konsumoni. Jo vetëm kaq, por ato rrisin nivelin e energjisë dhe përshpejtojnë organizmin, çka do të thotë se e bëjnë më të lehtë rënien në peshë. Vetëm mos harroni që ti konsumoni me sasi të vogla dhe pa e tepruar. Ky është çelësi i gjithçkaje!/tesheshi.com/
