Bishtajat (bizelet, thjerrëzat) janë bimë bishtajore të mbushura me kokrra të ndara (që kur thahen quhen bathë). Ato janë një burim i jashtëzakonshëm fibrash dhe proteinash pa yndyrë; kur shoqërohen me drithëra, bishtajat janë aq të kompletuara me vlera ushqimore, sa edhe proteinat shtazore.
Bishtajat (fasulet larushe, fasulet e kuqe, qiqrat dhe fasulet e zeza) janë gjithashtu një burim i mirë kalciumi, ndaj është shumë e rëndësishme që t’i konsumoni, nëse jeni intolerantë ndaj laktozës ose jeni vegjetarianë.
Si të konsumoni sa më shumë: Nëse keni sasi të mjaftueshme bathësh në dollap, mund të përgatisni gjithnjë një darkë të ushqyeshme. Përdoreni purenë e thjerrëzave ose të qiqrave për të lyer sanduiçet, në vend të majonezës apo të salcave të tjera me shumë yndyrë, ose përdoreni këtë pure si salcë për karotat, selinonë ose specat.
Bëni supë bishtajash ose përdorni disa lloje bishtajash për të bërë sallatë. Hidhni bizele në sallatë ose në një supë me lëng mishi. Shtypini ato me pirun, spërkatini me erëza të freskëta dhe vaj ulliri dhe shërbejini me bukë të thekur ose pite.
Në pjatën tuaj: Përpiquni të konsumoni dy racione në ditë, për shembull: një pjatë fasule, një pjatë bizele ose thjerrëza./tesheshi.com/
