Një dramë e vërtetë u zhvillua në Hamburg të Gjermanisë të premten në mëngjes. Përpara një furre buke, një i ri u godit me thikë nga dikush që u largua me shpejtësi . Policia nisi një kontroll të madh dhe disa kohë më vonë arriti të arrestojë personin e dyshuar për krimin.
Media përcolli një imazh shqetësues nga vendi i sulmit: Ekipet mjekësore po përpiqen të kujdesen për një djalë të ri që e ka thikë në shpinë. E pabesueshme: Viktimës nuk duket se “ia ndjen” që ka një thikë në shpinë.
Pas një grindjeje me një person tjetër, i ri hyri normalisht dhe porositi pasta qumështi në furrën ku blinte gjithmonë. E kjo me thikë në shpinë! Më pas ishin kalimtarët në rrugë që iu afruan dhe ia vunë në dukje detajin e tmërrshëm, pas së cilit ai u bë i vetëdijshëm për situatën e tij passhpinore.
Kur ambulanca mbërriti para furrës për të kujdesur për të riun e plagosur, thika ishte përsëri aty. Ai më pas u dërgua me ambulancë në klinikë, ende me thikë në shpinë.
“Meqenëse thika mund të ketë shkaktuar gjakderdhje të rëndë, por gjithashtu bllokuar enët e gjakut, ekipi i ambulancës vendosi se ishte më mirë që thika të hiqej nga trupi në spital,” tha zëdhënësi i shërbimit të shpëtimit Jan Ole Unger. /tesheshi.com/
