Statuse dhe foto provokative, informacione personale që shihen e mësohen nga të gjithë. Kurrë më parë individi nuk ka qenë kaq i ekspozuar ndaj të tjerëve dhe kurrë më parë nuk ka mundur të komunikojë kaq lirisht në çdo cep të botës dhe në kohë reale me të tjerët. Rrjetet sociale i ftojnë njerëzit të bëjnë gjithnjë dhe më publike jetët personale.
Sipas një studimi të ri, numri i llogarive që keni në rrjetet sociale mund të zbulojë shumë rreth shëndetit tuaj mendor. Adoleshentët të cilët kanë llogari në të gjitha rrjetet sociale dhe i përdorin ato 7-11 herë në ditë ka gjasa të vuajnë nga depresioni.
Ekspertët thonë se përdorimi i shpeshtë i rrjeteve të ndryshme sociale mund të çojë në depresion dhe ankth. Mendohet se këta persona vuajnë nga vetmia dhe mund të gjejnë një mjedis të përshtatshëm vetëm online në profilin e tyre të krijuar në rrjetet sociale./tesheshi.com/
