Një marrëveshje me autoritetet izraelite i ka dhënë fund të shtunën një greve masive urie nga 1.500 të burgosur palestinezë.
Kryetari i Çështjeve të të Burgosurve në Organizatën për Çlirimin e Palestinës, Issa Karaka, e ka konfirmar vendimin e të burgosurve për ta ndalur grevën e urisë.
Nga palët nuk bëhen të ditura pikat e marrëveshjes, por mësohet se mes kushteve të ofruara për të burgosurit palestinezë në burgjet izraelite do të jetë një vizitë e dytë familjare brenda një muaji, e mohuar më herët.
Greva e urisë, një nga më të mëdhatë e këtij lloji, nisi më 17 prill me kërkesat për përmirësim të kushteve në burgje, duke krijuar tension mes izraelitëve dhe palestinezëve.
Rreth 750 të burgosur do ta ndërprisnin grevën përgjatë kësaj kohe, e 18 prej tyre do të dërgoheshin në spital. /tesheshi.com/
