Të burgosur të shumtë në Maqedoni kanë shfrytëzuar risitë teknologjike të komunikimit, për të denoncuar sipas tyre, kushtet e rënda të atyshme. Ata ankohen për mbipopullim, por dhe për një deklasifikim të tyre, ku me një dhomë ndodhen si ata që janë dënuar politikisht e si ata që janë homeseksualë apo përdorues droge. Ata burgosurit i kanë bërë thirje kryeministrit Gruevski që t`i vizitojë për të parë nga afër realitetin, i cili sipas tyre nuk është rozë, sië pretendon qeveria.
Në raportin e fundit të Avokatit të Popullit i cili bazohet në vizitat nëpër burgje, thuhet se rekomandimet e avokatit pranohen vetëm në mënyrë deklarative, por të njëjtat nuk zbatohen.
“Kjo dukuri është shqetësuese sepse autoritetet e shtetit na informojnë me shkrim se po pranojnë rekomandimet tona, por nuk marrin veprime për përmirësimin e tyre” deklaroi Ixhet Memeti, Avokat i Popullit./tesheshi.com/
