Familjarë të të arrestuarve për ushtrim dhune e shkatërrim prone gjatë protestave në Rrugën e Kombit, janë mbledhur para Komisariatit të Kukësit me pretendimin se po u bëhet padrejtësi. Ata janë ankuar për arrastime në mesnatë dhe mbajtje kapuçësh në kokë nga ana e forcave policore. Bëhet fjalë për 36 urdhër-arreste të lëshuara nga skanimet që u janë bërë personazheve të dhunës.
Sakaq, krah tyre ka dalë dhe opozita. Zëra të saj kanë kërkuar lirimin e tyre, deri dhe në paralajmërime për eskalim të situatës.
Edmond Spaho tha se ka biseduar me drejtorin e Policisë së Kukësit.
“Atij i thamë që i ka prerë në besë qytetarët e Kukësit, pasi dje u është kërkuar që në këmbim të anulimit të protestës nuk do të arrestohet njeri. Gjatë natës si në diktaturë janë arrestuar 24 persona dhe janë lëshuar urdhër-arreste edhe për aq të tjerë. I kërkuam drejtorit ta ndërpresë këtë klimë, i kërkuam që të lirojnë të arrestuarit që i kanë çuar në Tiranë dhe t’i futemi rrugës së dialogut. Nëse vazhdohet kështu situata mund të eskaloj. Shpresoj që ky zë të jetë dëgjuar”, tha z. Spaho nga PD. /tesheshi.com/
