Ambasadorja amerikane në Kosovë, Kolen Hyland, komentoi vendimin e qeverisë Haradinaj për të tarifuar me 10 përqind produktet e importuara nga Serbia dhe Bosnja.
Siç dhe BE, edhe ai si përfaqsues i Uashingtonit u shpreh kundër kësaj mase. Sipas tij, rritja e tarifave doganore për vendet e CEFTA-s nuk i sjell dobi Kosovës.
“Kjo krijon vetëm pasiguri biznesi dhe shkakton paqëndrueshmëri ekonomike. Është më mirë të bëjmë më shumë përpjekje për të siguruar një të ardhme të begatë përmes dialogut”, shkroi Hyland në Twitter.
Ai, siç shihet, e ka potencuar dialogun pasi presidenti Vuçiç njoftoi se dialogu me përfaqësuesit politikë të Kosovës do të vazhdojë vetëm pasi Prishtina të pushojë së shkeluri marrëveshjen e CEFTA-s.
Javën e shkuar, Beogradi u tërhoq nga dialogu me Prishtinën, ndërsa Lista Serbe doli nga koalicioni qeverisës në Kosovë dhe ia ofroi 10 mandatet e saj opozitës për rrëzimin e qeverisë së Ramush Haradinajt.
Pavarësisht presioneve të ndryshme, zyrtarët e Kosovës thonë se vendimi mbetet në fuqi. Kur ai u morr, si Haradinaj e si zëvëndësi Hoxhaj, e komentuan edhe si një presion politik ndaj politikave anti-kosovare të Beogradit. /tesheshi.com/
