Sulmi i talebanëve në Guest House Park Plaza në Kabul ka lënë pas një bilanc dramatik, të papërcaktuar ende përfundimisht. Sulmi ka ndodhur në një rezidencë, e cila frekuentohet nga të huajt në kryeqytetin afgan. Sipas disa mediave indiane, mes viktimave është edhe një diplomat i lartë, por identiteti i tij nuk është bërë ende i ditur.
Sipas policisë së Kabulit, bilanci përfundimtar deri në këtë momente është 5 person të vdekur dhe 5 të plagosur, ndërsa televizioni CNN-IBN thotë se ka 14 viktima, mes së cilëve edhe 4 indianë.
Gjtë sulmit ka ndërruar jetë edhe një qytetar amerikan, çka është konfirmuar edhe nga ambasada e SHBA-ve, ndërsa qarkullojnë lajme edhe për një francez të vdekur. 5 të tjerë janë vrarë ndërsa policia ka mundur të shpëtojë gjallë e mirë rreth 50 persona.
Fakti se sulmi është realizuar nga talebanët nuk është një hipotezë e pavërtetuar, por një lajm i konfirmuar. Zëdhënësi i talebanëve, Zabihullah Muxhahid, në një email dërguar për media, tha se grupi ka në shënjestër banesën e frekuentuar ngatë huajt, ku rrinë edhe amerikanët. /tesheshi.com/
