Siç kishin paralajmëruar, treshja ballkanike Vuçiç – Rama – Zaev janë takuar në Beograd për të vënë pikëtat e të ashtuquajturit “Shengeni ballkanik”. Ata janë zhvendosur në në Novi Sad, aty ku dhe do shpalosin projektin e tyre për një integrim në terma të këmbimit të njerëzve dhe mallrave, siç është thënë, me qëllimin për të përmirësuar lidhjet e tregjeve rajonale, duke mundësuar rrjedhën e lirë të mallrave, njerëzve, shërbimeve dhe kapitalit në tregun e 20 milion njerëzve.
“Jam i lumtur që kemi filluar të kujdesemi për veten dhe se nuk kemi nevojë për një mësues, që në këtë mënyrë, dhe në një atmosferë relaksuese me muzikën në Novi Sad, mund të biem dakord për një të ardhme më të mirë për punëtorët tanë, fermerët, veçanërisht për të rinjtë, që të qëndrojnë në vendet tona”, tha Vuçiç.
“Para së gjithash, është e shkëlqyeshme që ne jemi të gjithë këtu dhe thjesht përpiqemi të diskutojmë mbi temat që kemi diskutuar bashkë dhe në shumë raste me miqtë tanë evropianë”, tha Rama.
“Ky unitet që po prezantojmë këtu sot në Novi Sad është ajo që duhet të bëjmë të gjithë sepse ne përfaqësojmë qytetarët tanë, politikanët, biznesmenët, punëtorët”, tha Zaev/
Ekonomistët vlerësojnë se duke krijuar një “mini Shengen” në Ballkanin Perëndimor, kompani nga e gjithë rajoni do të fitonin një treg më të madh rajonal, të përbashkët me afro 20 milion konsumatorë. Nisma u mirëprit nga dhomat rajonale të të gjitha vendeve të Ballkanit Perëndimor, duke bashkuar më shumë se 350,000 kompani. /tesheshi.com/
