Ilir Meta dhe Lulzim Basha kanë zhvilluar një takim demonstrativ gjatë Konventës së Demokratëve në Philadephia, duke treguar se ekziston një projekt dukshëm politik mes PS-së dhe LSI-së.
Dhe në mes të kësaj atmosfere, të dyja forcat politike kanë kundërshtuar që të votojnë menjëherë një paketë ligjore, e cila në mënyrë të detajuar bën zbatimin e ndryshimeve kushtetuese të cilat flasin me parime, ndërsa ligjet organike tregojnë rrugën e zbatimit të tyre.
Mazhoranca e ardhur me votën e 23 qershorit 2013, pra ajo mes PS-së dhe LSI-së ka më shumë se 84 vota, pasi me 5 të PDIU-së shkon 89.
Por një ngërç politik mes Ilir Metës dhe Edi Ramës, ka hapur një tjetër lojë, deri aty sa u fol për rokadë qeveritare gjatë debatit të nxehtë për reformën.
Megjithatë, Edi Rama është përgjigjur fort gjatë ditës së djeshme.
“Reforma në Drejtësi do të vazhdojë me ligjet kryesore që pasojnë reformën e miratuar kushtetuese dhe kërkojnë minimumi 84 vota. Ata që u dorëzuan përballë presionit të jashtëzakonshëm popullor e ndërkombëtar dhe presionit të brendshëm që krisi murin shurdh të Partisë Demokratike, do të vazhdojnë të rezistojnë në çdo hap e për çdo ligj të domosdoshëm për zbatimin e reformës kushtetuese”, shkroi kryeministri në rrjetet sociale.
Gjatë ditëve të reformës u fol se nga opozita janë gati të votojnë rreth 10 deputetë të saj paketën e ndryshmeve kushtetuese nëse refuzon PD-ja.
Nëse bëjmë pak matematikë: PS ka 65 vota, plus 10 bëjnë 75, shto 5 të PDIU-së 80.
Loja bëhet për 4 vota, për të cilët u fol se Kryeministri i ka gjetur gjatë disa takimeve në Durrës me njerëz të LSI-së.
A është ky skenari që ka bërë sërish bashkë Metën dhe Bashën?!
Në fakt diçka e rëndësishëm është që po ndërmerren skenarë marramendës që pritet të japin një panoramë të re në shtator. /tesheshi.com/
