Udhëheqësi i Koresë së Veriut, Kim Jong-un është ulur në Singapor në pritje të takimit historik me presidentin amerikan Donald Trump. Në bordin e një fluturimi të Air China, ai mbërriti në aeroportin Changi dhe më pas u drejtua për në Hotel St Regis, ku delegacioni po e priste.
Takimi Trump-Kim, që do të mbahet në Hotel Capella të martën në mëngjes, pritet të shënojë një pikë kthese historike: për herë të pare, një udhëheqës i Koresë së Veriut takohet me një president amerikan.
Bisedimet do të përqëndrohen në arritjen e një marrëveshjeje mbi denuclearizimin e Koresë së Veriut në këmbim të zbutjes apo heqjes fare të sanksioneve ekonomike dhe diplomatike. /tesheshi.com/
