Më datë 20 qershor pritet të zhvillohet mbledhja e përbashkët e radhës mes dy qeverive Kosovë-Shqipëri.
Kjo mbledhje pritet të zhvillohet në Prishtinë.
Në muajin nëntor të vitit të kaluar Shqipëria dhe Kosova nënshkruan 13 marrëveshje të reja në mbledhjen e përbashkët e dy qeverive, mbajtur në Elbasan.
Rama deklaroi se të dyja palët kanë përcaktuar një fond për ngritjen e përbashkët të ekipit të punës në mënyrë që të vihen në zbatim të gjitha marrëveshjet. Kryeministri sqaroi se një pjesë janë zbatuar, ndërsa pjesa tjetër është ende në proces zbatimi.
Ndërkohë Albin Kurti theksoi se bashkëpunimi mes qeverive rrit cilësinë e jetës së qytetarëve edhe është në horizontin e integrimit në Bashkimin Europian.
Mbledhja e radhës pritet me interes për shkak të humorit gjithnjë të luhatshëm mes dy kryeministrave. /tesheshi.com/
