Gjatë ditës së djeshme në kryeqendrën gjermane, Berlin, larg syve të mediave u takuan ambasadori i Kosovës në Emiratet e Bashkuara Arabe, Avni Arifi me “shefin e zyres serbe per Kosoven”, Marko Gjuriqin.
Ndonëse nuk ka pasur asnjë informacion zyrtar, Kosova në këtë takim është përfaqësuar nga ish-shefi i dialogut teknik, Avni Arifi, aktualisht ambasador i Kosovës në Emiratet e Bashkuara Arabe, ndërsa Serbia është përfaqësuar nga Marko Gjuriq.
Ky takim është zhvilluar me ftesë të njerëzve më të afërt të kancelares gjermane Angela Merkel dhe aty kanë marrë pjesë përfaqësuesit e Kosovës, Serbisë, BE-së, Gjermanisë dhe Francës, por jo edhe përfaqësuesit e SHBA-ve.
Kryetari i Kuvendit, Kadri Veseli, i pyetur sot nga mediat për këtë takim, nuk ka e ka komentuar fare atë.
Por pa folur nuk mbeti presidenti serb Aleksandar Vucic.
Ai pranoi se shefi i të ashtuqujturës Zyre Serbe për Kosovën, Marko Gjuriq ishte në Berlin me rekomandimin e tij personal. “Unë personalisht e dërgova Marko Gjuriqin në atë takim”, tha Vuçiq për gazetarët dhe shtoi se atje nuk kishte sekrete, përveç se me nikoqirët e takimit është rënë dakord mbi përmbajtjen e bisedimeve. /tesheshi.com/
