Lajmi që udhëheqësi koreanorverior, Kim Jong-un, i ka kërkuar presidentit Trump një tjetër takim, ka detyruar atë të Koresë së Jugut, Moon Jae-in që dy kërkojë të dyve një angazhim për marrjen e një “vendimi të guximshëm” drejt denuklearizimit.
“Denuklearizimi i plotë i Gadishullit Korean duhet që të zgjidhet rrënjësisht mes SHBA-së dhe Koresë së Veriut përmes negociatave”, tha Moon.
“Por, duke parë që diskutimet dhe komunikimi midis Veriut dhe Shteteve të Bashkuara po riaktivizohen, ne duhet të veprojmë si ndërmjetës midis tyre“, tha ai.
“Trump dhe Kim më kanë kërkuar të luaj këtë rol”, tha Moon në një mbledhje qeverie.
Shtëpia e Bardhë njoftoi të hënën mbrëma se Trump mori letrën e Kim-it për organizimin e një takimi tjetër mes tyre, pas atij të 12 qershorit në Singapor.
“Qëllimi kryesor i letrës ishte për të organizuar një takim të ri me Presidentin. Ne jemi të hapur dhe kemi filluar tashmë përgatitjet”, tha zëdhënësja Sarah Sanders, pa dhënë më shumë detaje rreth datës së ose në vendin ku mund të realizohet.
Zëdhënësja Sanders vlerësoi dhe mungesën e armatimit balistik në paradën ushtarake të së dielës së Phenian, duke e cilësuar si “garanci për mirëbesim” në procesin e çarmatimit bërthamor të Koresë së Veriut. /tesheshi.com/
