Ministri i Brendshëm, Saimir Tahiri, ka kërkuar që Shqipëria ta ruajë vlerën simbol të bashkëjetesës fetare, duke mos lejuar nxitjen e ekstremizimit.
“Të parandalojmë tendencat ekstremiste. Shqipëria është një vend që ka simbol integrimi dhe bashkëjetese mes komuniteteve, harmoninë fetare duke mënjanuar që praktikimi i feve të kthehet në element për të ngjallur ekstremizmin e dhunshëm”,tha kreu i Rendit, në një dalje për shtyp pas ditës së parë të punimeve të ministerialit rajonal në luftën kundër terrorizmit.
Tahiri tha se komunitetet fetare kanë një rol kyç për edukimin dhe theksoi se asnjë vend nuk është i parrezikuar nga terrorizmi.
“Komunitetet fetare kanë një rol kyç për edukimin. Asnjë vend nuk është i parrezikuar. Askush nuk është imun nga rreziku i terrorizmit. Pavarësisht faktit që duket sikur Shqipëria nuk ka probleme në lidhje me ekstremizmin e dhunshëm, premisat që të kthehet në një problem edhe në shtëpinë tonë, ekzistojnë dhe janë aty. Duhet të ndalojmë që familjet, shoqëria jonë të rrezikohet nga terrorizmi”, shtoi shtoi Tahiri.
Sipas tij, nuk duhet që Ballkani të jetë më vendi nga ku eksportohen terroristë, duke iu referuar kështu shumë shtetasve shqiptarë që kanë përfunduar të frontin e luftës sektariane në Siri. /tesheshi.com/
