Nga Durrësi Ministri i Brendshëm, Saimir Tahiri, paralajmëroi masa ndëshkuese për qytetarët të cilët nuk deklarojnë vendbanimin e tyre të fundit. Pasi një takimi me drejtues të njësive vendore dhe punonjës të gjendjes civile, ministri Tahiri e zgjeroi diskutimin duke u ndalur tek rëndësia që ka dhënia e shërbimeve për qytetarët nëpërmjet adresës së saktë.
Tahiri theksoi gjithashtu se mospasja e një adrese të saktë të qytetarëve shqiptarë po përdoret nga gjykatat për vjedhjen e pronës së tyre, duke ia kaluar atë kriminelëve dhe bandave kriminale.
Në takimin e zhvilluar në ambientet e universitetit “Aleksandër Moisiu” në Durrës ishin të pranishëm institucione të pushtetit lokal, të cilët do të merren drejtpërdrejtë me procesin e popullimit në qytetin bregdetar dhe rrethinat. /tesheshi.com/
