Ministri i Brendshëm Saimir Tahiri ka deklaruar se 9 vite nga tragjedia e Gërdecit ende nuk është vendosur drejtësia.
Sipas Tahirit, autorët e kësaj tragjedie bëjnë moral lidhur me atë çfarë është Shqipëria dhe si do të jetë. Tahiri kujtoi se kjo ditë duhet të konsiderohet si një ditë alarmante që kujton padrejtësinë e madhe që bëhet dyerve të gjykatave shqiptare.
“Unë kam mbajtur detyrën e Ministrit të Punëve të Brendshme dhe edhe në këtë cilësi më duhet të kërkojë një ndjesë personale edhe në emër të detyrës që kam mbajtur për gjithçka nuk kemi bërë dot në raport me ata që shkaktuan tragjedinë e Gërdecit e që sot janë të lirë. Por ky është një angazhim dhe vetëdija jonë e madhe, e imja, e kolegëve të mi, e qeverisë, e Kryeministrit për të bërë drejtësinë që duhet ndaj të gjithë atyre në sistemin e drejtësisë që kanë lënë të lirë sot, për 9 vite me radhë ata që shkaktuan 26 viktima”, theksoi ish-ministri, Saimir Tahiri.
Deklarata e Tahirit u bë në tryezën e Forumit Civil, nga të dhënat e të cilit rezultojnë se në tre vjet ka pasur mbi 3 mijë të arrestuar për armëmbajtje pa leje. /tesheshi.com/
