Ministri i Brendshëm, Saimir Tahiri ka deklaruar sot se Policia ndodhet në një aksion drejt kapjes drejt “Peshqve të Mëdhenj”.
Këtë deklaratë, Tahiri e bëri gjatë një konference për shtyp për të analizuar vitin e shkuar dhe sfidat e 2017-s.
Ministri i Brendshëm tha se “46.7 milionë euro pasuri dhe asete kriminale janë sekuestruar gjatë vitit 2016. Policia po forcon kapacitetin për të shkuar drejt peshqve të mëdhenj”.
Në lidhje me sfidat e policisë për vitin 2017, Tahiri tha se “dhuna në familje dhe armëmbajtja pa leje janë prioritetet madhore”.
“Policia sot është shumë më e përkushtuar. Besimi i publikut u rrit, fitorja jonë më e madhe është mentaliteti. Është rritur besimi dhe pritshmëria e publikut për zgjidhjen e problemeve nga policia”, tha ministri. /tesheshi.com/
