Vetë kreu i Rendit në Shqipëri, Saimir Tahiri u investua përsonalisht për të potencuar mbi rëndësinë e rripit të sigurimit, edhe në sediljen e pasme
“Rripi i sigurimit shpëton jetë, ndaj ai është normë tashmë e padiskutueshme në çdo vend të Europës. Ne jemi shumë të vendosur që rripin e sigurimit të mos e tolerojmë më si një opsion në rrugët e Shqipërisë, por të jetë një detyrim absolut. Unë jam këtu për të mbështetur punonjësit e Policisë Rrugore, ashtu siç jam këtu për t’u bërë një thirrje qytetarëve për të kuptuar se rripi i sigurimit shpëton së pari jetën tuaj, dhe të gjithë atyre që janë pasagjerë”, tha ministri Tahiri.
Siç është bërë me dije tashmë, qeveria ka ndërmarrë disa ndryshime në kodin rrugor, ku ajo që bie në sy është ndëshkimi për rripin e sigurimit në sediljen e pasme, atë që duhet ta vendosin edhe fëmijët mbi katër vjeç. Përndryshe, masa e gjobës shkon nga 5 mijë deri në 15 mijë lekë. /tesheshi.com/
