Luciano Spalletti dhe Roma ndajnë rrugët për herë të dytë në më tepër se një dekadë.
Ekipi roman ka njoftuar zyrtarisht largimin e teknikut Spalletti, duke e falënderuar për atë çka ai bëri në tetëmbëdhjetë muajt e qëndrimit të tij në detyrë.
Spalleti pritet t’i bashkohet Interit pasi nuk gjeti pajtim me drejtuesit e Romës për një marrëveshjeje të re që do ta mbante atë në kryeqytetin italian.
Ai iu bashkua Romës për herë të dytë në janar të 2016-s, i përfolur shpesh gjatë kësaj kohe për marrëdhënie jo të mira me Francesco Totti-n.
Roma përfundoi në vend të dytë në këtë sezon, duke siguruar kualifikimin e drejtpërdrejtë për në fazën në grupe të Champions League-s për sezonin e ardhshëm.
Tekniku simpatik dhe inteligjent do ta drejtonte Romën dhe në vitet 2005-2009; një periudhë ku u fituan dy trofe të Kupës së Italisë dhe një Superkupë. /tesheshi.com/
