Me eliminimin e Portugalisë, Kombëtarja e Marokut u bë skuadra e parë afrikane që luan në gjysmëfinale të kampionateve botërore.
Në ndeshjen çerekfinale, Maroku mposhti portugezët me 1:0, dhe “Luanët e Atlasit” arritën në mesin e katër skuadrave më të mira në botë me një stil të madh dhe me vetëm një gol të pësuar gjatë garës në Katar.
Pas fishkëllimës së fundit të arbitrit nisi festa e madhe e marokenëve dhe vëmendjen e tërhoqi Sofiane Boufal dhe nëna e tij.
Ai kërceu në fushë me nënën e tij që zbriti nga tribuna.
Morocco's Sofiane Boufal celebrating with his mother is EVERYTHING.
— Ahmed Ali (@DrAhmednurAli) December 10, 2022
Në gjysmëfinale, Maroku do të luajë kundër Francës. Dhe kjo është një tjetër koincidencë ironike. Maroku eliminoi dy vende iberike, në tokën e së cilës, muslimanët e saj, ndërtuan shekuj më parë një ndër qytetarimet më shkëlqimtare në histori – Andaluzinë, i cili zgjati afro 700 vjet.
Dhe tashmë radhën e ka Franca, një vend kolonizator i Afrikës së veriut, ku bën pjesë dhe Maroku. Ndërkohë, marokenët janë ndër komunitetet më të mëdha të Francës, siç janë dhe të Belgjikës, të cilën e mundën 2-0. /tesheshi.com/
