Pas takimeve të Champions League-s dhe Europa League-s në mesjavë, vëmendja kthehet në kampionatet më të mira të Europës, ku posaçërisht të dielën do të ketë një varg përplasjesh klasike.
Për ta filluar nga Premier League, me takimin e orës 15:05 të dielën: Mançester Junajted – Çelsi!
Një ndeshje e rëndësishme për të dyja skuadrat, për objektivin e mbylljes së kampionatit brenda katërshes së parë.
Mos harroni më të rëndësishmen: marrëdhënien e hidhët mes Mourinho-s dhe Conte-s!
Në të njëjtën ditë, në 17:30, në “Wembley” luhet finalja e Kupës së Ligës, Arsenal – Mançester Siti.
Në kampionatin spanjoll veçohet përballja Sevilja – Atletiko e Madridit, në 20:45 të së dielës.
Saktësisht në të njëjtën orë të së njëjtës ditë, në Serinë A italiane do të luhet përplasja e dy ekipeve në formë për momentin: Roma – Milan.
Kryendeshja e kampionatit francez është tradicionalisht në orën 21:00 të ditës së fundit të javës. Bëhet fjalë vërtet për një supersfidë: PSG – Olimpik i Marsejës!
Kulmi i javës së 25-të të kampionatit holandez është takimi Fejënord – PSV Eindhoven; të dielën, në 14:30.
Në Superligën turke pritet me padurim derbi i së dielës, në 17:00, Beshiktash – Fenerbahçe.
Aberdin – Sëlltik spikat në javën e 28-të të Premiership-it skocez. Luhet po ashtu të dielën, në 14:30. /tesheshi.com/
