Një superoperacion i antimafia-s italiane është ndërmarrë në Kalabri ndaj organizatës më të tmerrshme të kësaj zone “N’drageta-s, duke arrestuar 27 vetë dhe sekuestruar 100 milionë euro asete kriminale.
Bëhet fjalë për 51 kompani, së cilëve u janë sekuestruar gjithçka; nga llogaritë, deri tek pjesët më të imta të zyrave.
Hetimet anë nisur nga Drejtoria Antimafie e Firences, e cila ka arritur të zbulojë se grupi më i fuqishëm mafioz aktualisht në Itali ka investuar paratë e drogës në veriun e vendit.
Operacioni është ende duke u zhvilluar dhe në drekë është paralajmëruar një konferencë e përbashkët për shtyp të Drejtorisë Antimafia të Firences dhe komandantit të Guardia di Finanza-s, e cila është partnere në hetim.
Pjesë e rëndësishme e Forcave të armatosura italiane, Guardia Di Finanza është një nga institucionet më të rëndësishme që lufton krimin ekonomik dhe investimin e mafia-s në ekonomi. /tesheshi.com/
