UEFA u ka dëguar një letër autoriteteve maqedonase të futbollit, duke i kujtuar një sërë mangësish për organizimin e pritshëm të Superkupës europiane, mes Realit dhe Mançesterit, përballjë e planifikuar për më 8 gusht në stadiumin “Filipi i Dytë” në Shkup.
Ndër të tjera, instanca më e lartë e futbollit europian kujton se:
Pajisjet e klimës në stadium nuk janë të lidhur me sistemin UPS
Nuk është i qartë komunikimi ndërmjet personelit të stadiumit dhe furnizuesit të energjisë elektrike
Nuk ka të instaluar energji elektrike në pjesën e televizioneve
Në sallën për preskonferenca, nuk ka të instaluar sistem ventilimi
Në pjesë të ndryshme të stadiumit nuk janë vendosur 50 televizorë me nga 50 inç
Një pjesë e pajisjes për ËI-Fi nuk është instaluar
Nuk është vendosur shtresë betoni për kamionët e TV produksioneve
Nuk është kompletuar pjesa për punën e fotografëve
Nuk ka plan të plotë dhe të detajuar për evakuimin e stadiumit.
Të gjitha këto vërejtje janë shqyrtuar në një mbledhje të qeverisë Zaev, ku është përcaktuar dhe plani për plotësimin e tyre.
Më 21 korrik, një delëgeacion i UEFA-s zbarkon në Shkup për një inspektim të imtësishëm të kushteve të stadiumit.
Përzgjedhja e kryeqytetit maqedon për një ndeshje të një niveli të tillë, ngjan si një shpërblim diplomatik i Europës për këtë vend pas një rotacioni të vështirë qeverisës, ardhur pas një krize të thellë politike. /tesheshi.com/
