Punimet rreth dhe brenda stadiumit “Telekom Arena” në Shkup, ku më 8 gusht do të zhvillohet spektakli i madh futbollistik, janë afër përfundimit. Siç dihet, kryeqyteti i Maqedonisë është nikoqir i ndeshjes së madhe të Superkupës së UEFA-së, ku do të përballen dy gjigandët evropianë, Reali i Madridit dhe ManchesterUnited. Megjithatë, një nga kërkesat e UEFA-së ende nuk është e përmbushur, e ajo është sigurimi i hapësirës për parkim të regjive të lëvizshme të cilat do të kryejnë transmetim të drejtpërdrejtë të ndeshjes.
Në afërsi të stadiumit “Telekom Arena” shihen makineri që po punojnë në mënyrë intensive.
Cvetko Grozdanov, drejtor i ndërmarrjes shtetërore për hapësira banesore e afariste, e konfirmon këtë fakt, por thotë se qëkur Komuna Qendër e ka anuluar miratimin e dhënë, zgjidhjen do ta kërkojnë tek Ministria për transport dhe lidhje.
“Shpresoj se të gjitha këto problemet do të tejkalohen dhe se UEFA do të ketë mirëkuptim se në periudhën që vijon do të mbarojnë të gjitha aktivitetet punuese. Deri në ditën e kërtollës më 10 qershor, ky vend do të jetë në këtë gjendje, por do të ngelet vetëm pjesa e fundit për t’u mbaruar, e ajo është asfaltimi. Ne do të vërtetojmë se atë asfaltim do të mund ta kryejmë për 5 deri më 7 ditë përderisa e marrim të gjithë dokumentacionin nga ana e Ministrisë për Transport dhe Lidhje, dhe jo është miratimi për ndërtimin e terreneve për tenis”,thotë drejtori Grozdanov.
Kryetari i Komunës Qendër, Andrej Zhernovski thotë se miratimi për ndërtim është anuluar vetëm për një qëllim, e ajo është që të respektohen procedurat ligjore.
“Nuk kemi për qëllim që ta ndalojmë një spektakël të tillë, përkundrazi në do të fitojmë shumë nga ai eveniment, në veçanti kur e dimë se në atë ndeshje do të përballen Real Madridi dhe Manchester United. Megjithatë ligjet duhet të respektohen, nuk do të bllokohet asnjë qasje, asnjë hapësirë për parkim, do të ketë gjithçka, por duhet të jenë brenda suazave ligjore”, tha Zhernovski. M. Hasani – /tesheshi.com/
