Është i ëmbël, me ngjyrë, i butë dhe i freskët si dhe përmban një sërë dobish shëndetësore, ku tre prej tyre janë provuar nga studime shkencore. Mango lufton obezitetin, kancerin dhe problemet me aparatin tretës.
Një studim i prezantuar gjatë Experimental Biology Conference 2016 në San Diego, California, tregon dobitë e mangos. Një kokërr mango përmban 100 kalori dhe është një burim shumë i mirë i vitaminave A dhe C, ndërsa përmban shumë fibra.
Studimi tregon se konsumi i mangos djeg yndyrën, duke luftuar obezitetin, ngadalëson avancimin e kancerit të gjirit si dhe rregullon funksionimin e aparatit tretës.
“Ndonëse ka nevojë për studime më të thelluara, ka një numër studimesh në rritje që tregon efektet pozitive të mangos lidhur me obezitetin, disa tumore dhe aparatin tretës”, thotë Leonardo Ortega, drejtor i kërkimeve të “Mango National Board”. /tesheshi.com/
