Elbasani prej disa orësh ndodhet nën “darën” e policisë, e cila ka nisur një superaksion për goditjen e elementëve kriminalë. RENEA dhe FNSH kanë shkuar në mbështetje të policisë lokale, ndërsa disa zona problematike të qytetit janë kontrolluar nga uniformat blu.
Ende nuk ka ndonjë të dhënë konkrete mbi këtë aksion, por flitet për disa dhjetra të shoqëruar dhe kontrollin e banesave dhe bizneseve të personave që konsiderohen si element kriminalë.
Banorët e Elbasanit janë ankuar se ndjehen të pasigurtë dhe se ky është shkaku që Drejtori i Përgjithshëm ka mbërritur në Elbasan ndërkohë forca speciale, po vijojnë operacionin.
Elbasani është kthyer prej pak kohësh në një zonë problematike, përplasje me grupeve kriminale apo pikëkalimi i trafikut të drogërave të forta.
Pak ditë pasi makina e policisë së Elbasanit u përplas nga një mjet tjetër, është krijuar një debat i gjerë lidhur me situatën në këtë qytet. /tesheshi.com/
