Tre qytetarë shqiptarë, në mesin e tyre një femër, V.D.(1984), A.K. (1982) dhe L. A. (1982), janë sulmuar fizikisht nga disa persona deri tani të panjohur.
Njëri prej viktimave ka marrë lëndime të lehta trupore, ndërsa është trajtuar në spitalin e jugut të qytetit, shkruan “Kosova Press”.
Ngjarja ka ndodhur të hënën mbrëma rreth orës 21:15 në rrugën “Oslobogjenje” afër urës kryesore të Ibrit në veri të Mitrovicës.
I lënduari është dërguar me automjet të policisë për trajtim në shtëpinë e shëndetit në jug të Mitrovicës.
Policia në veri të Mitrovicës po heton rastin dhe deri tani nuk ka të arrestuar. /tesheshi.com/
