Vrasësi në sinagogën në Halle u dënua me burgim të përjetshëm nga një gjykatë në Magdeburg të hënën, me pamundësinë e lirimit të parakohshëm.
“Ishte një akt veçanërisht frikacak, i neveritshëm dhe mizor. Kjo është arsyeja pse gjykata potencon peshën e veçantë të fajit të të dënuarit “, tha presidentja e këshillit të gjykatës, Ursula Mertens, duke i shpjeguar vendimin ndaj 28-vjeçarit Stephan Baillet.
Gjykata e Lartë Provinciale në Naumburg, e cila u transferua në Magdeburg për arsye logjistike, dënoi Baillet me burgim të përjetshëm për 15 vjet, me masën shtesë të pamundësisë së lirimit pas skadimit të dënimit.
Motive radikalisht të djathta për sulmin
Më 9 nëntor të vitit të kaluar, në festën hebraike të Yom Kippur, Baillet u përpoq të hynte në një sinagogë në qytetin Halle, ku ishin shumë besimtarë në atë kohë, me synimin për të vrarë sa më shumë njerëz që të ishte e mundur.
Baillet u akuzua për vrasje të dyfishtë dhe përpjekje për vrasje të 51 personave.
Kur nuk arriti ta bënte këtë, ai vrau një kalimtar të rastit dhe një mysafir në një kafene aty pranë.
Ai plagosi rëndë dy persona të tjerë ndërsa po ikte nga policia.
Baillet e kreu sulmin me motive radikale të djathta dhe transmetoi drejtpërdrejt të gjithë rrjedhën e sulmit përmes internetit.
Relativizimi i krimit të kryer
Ai nuk tregoi asnjë shenjë pendimi gjatë gjykimit dhe relativizoi veprimin e tij.
Sulmi përfundoi me një numër relativisht të vogël viktimesh vetëm sepse lënda plasëse me të cilën ai donte të hapte derën e sinagogës nuk dha asnjë efekt dhe sepse arma e tij automatike dështoi në disa raste.
Këshilli Qendror i Hebrenjve në Gjermani mirëpriti vendimin kundër vrasësit nga Halle.
“Sot është një ditë e rëndësishme për Gjermaninë, sepse ky vendim e bën të qartë se urrejtja vdekjeprurëse kundër hebrenjve nuk përmbush tolerancën,” tha Këshilli Qendror i Hebrenjve në Gjermani në një deklaratë. /tesheshi.com/
