Shqiptarët e Malit të Zi kanë reaguar tre ditë pas sulmit ndaj ambasadës shqiptare në Mal të Zi.
Kreu i Këshillit Kombëtar të Shqiptarëve, deputeti Genci Nimanbegu e ka cilësuar si gjest të ulët sulmin ndaj selisë diplomatike shqiptare.
“Shpreh shqetësim për gjestin e ulët, atë të gjuajtjes në drejtim të Ambasadës së Shqipërisë në Mal të Zi, gjest ky fare i panevojshëm të cilin e denojmë dhe e vlerësojmë, jo vetëm kundër Ambasadës së Shqipërisë, por edhe si qëndrim ndaj shqiptarëve në tërësi. Jam dakord që populli të shprehë pakënaqësitë me format demokratike, por kurrësesi ta shfaqë shqetësimin duke u treguar të dhunshëm, mbi të gjitha, të dhunshëm ndaj dikujt që nuk ka asnjëfarë përgjegjësie për proceset politike në Mal të Zi”, theksohet në deklaratën e KKSH-së./tesheshi.com/
