Pas sulmeve terroriste që përgjakën Stambollin mbëmjen e së shtunës, ministria e Punëve të Jashtme në Shqipëri dhe ajo në Kosovë kanë njoftuar se mes viktimave dhe të plagosurve nuk ka shqiptarë.
“Nuk ka të dhëna për shqiptarë të lënduar”, thuhet në reagimin e Ministrisë së Jashtme, duke qetësuar kështu të gjithë ata familjarë që kanë të afërmit e tyre në Turqi.
Nga ana tjetër, ministri i Brendshëm i Turqisë, Sulejman Soylu mbrëmë vonë deklaroi se në Stamboll janë arrestuar dhjetë persona të dyshuar, në lidhje me sulmin terrorist, ku humbën jetën 27 policë dhe dy civilë, si dhe 166 persona u plagosën.
Ministri sqaroi se ngjarja erdhi si pasojë e një autobombe, në pikën ku forcat tona speciale ishin të vendosura, pranë stadiumit ku ishte luajtur ndeshja mes Besiktas-Bursaspor.
Dy sulmet e njëpasnjëshme pranë sheshit “Taksim” dhe stadiumit të Besiktas, ndërsa objekt i sulmit terrorist mendohet të ketë qenë autobusi i sulmuar me efektivë. Deri tani, askush nuk ka marrë përgjegjësinë për ngjarjen e rëndë. , ndërsa disa e sotme u shpall ditë zie kombëtare.
Ky është sulmi i tretë terrorist që trondit Turqinë brenda këtij viti. Goditja e parë ndodhi më 12 janar në një lagje në qendër të sheshit “Taksim”, ku vdiqën 13 persona, ndërsa tjetri në qershor në aeroportin “Ataturk”, duke lënë 41 viktima./tesheshi.com/
