Vetëm një ditë pasi u lajmëruar se në rrugët e Londrës do të ishin të pranishëm më shumë policë të armatosur, një i ri ka vrarë mbrëmë një person e ka plagosur pesë të tjerë pas një sulmi me thikë.
Policia londineze do të lajmërohej në orët e vona të së mërkurës për një person që po qëllonte me thikë në sheshin Russell. Një grua e moshës 60 vjeç do të humbiste jetën pak më vonë, ndërsa dy femra e tre meshkuj të tjerë do të merrnin plagë të ndryshme gjatë sulmit.
I dyshuar për vrasjen e për plagosjet do të arrestohej një 19-vjeçar, për të cilin policia thotë se ka probleme mendore.
Sipas saj, këto probleme mendore ishin një faktor domethënës për sulmin me thikë, por se po hetohej gjithashtu lidhja e mundshme me terrorizmin.
“Treguesit e parë sugjerojnë se shëndeti mendor është një faktor domethënës në këtë rast, dhe kjo është linja kryesore e hetimit,” u shpreh Mark Rowley, një drejtues policie. Gjithsesi, ai nuk e përjashtoi dhe motivin terrorist si arsye të sulmit. /tesheshi.com/
