Zëdhënësi i Departamentit të Mbrojtjes të SHBA-së (Pentagon), John Kirby tha se Rusia kishte vendosur “forca ushtarake shtesë” përgjatë kufirit me Ukrainën, por se ata ende nuk besojnë se presidenti rus Vladimir Putin kishte marrë vendimin përfundimtar për pushtimin.
Kirby tha se Rusia madje ka rritur praninë e saj ushtarake në zonat pranë kufirit me Ukrainën dhe në Bjellorusi në 24 orët e fundit.
Duke thënë se ka aktivitete edhe në jug, Kirby vuri në dukje se Rusia ka kryer disa stërvitje në Detin e Zi me marinën e saj.
Ai theksoi se ka ende vend për diplomaci.
“Ne ende nuk besojmë se vendimi përfundimtar (për pushtimin) është marrë,” theksoi Kirby.
Mirëpo, zëdhënësi tha se nga institucione të ndryshme kanë paralajmëruar vazhdimisht se sulmi mund të fillojë çdo ditë pa asnjë paralajmërim.
“Ju dëgjuat Këshilltarin e Sigurisë Kombëtare, Jake Sullivan, që e bëri të qartë javën e kaluar se sulmi mund të fillojë përpara se të mbarojnë Olimpiada. Ndoshta edhe këtë javë. Ne ndajmë informacionin që kemi me aleatët tanë, përfshirë Ukrainën,” shtoi Kirby. /tesheshi.com/
