Tre aeroportet më të mëdha të Moskës pezulluan mbërritjet dhe nisjet e avionëve herët në mëngjes të martën e 22 gushtit, njoftoi agjencia ruse e lajmeve TASS.
“Hapësira ajrore është e mbyllur mbi Vnukovo, Sheremetyevo dhe Domodedovo,” tha zyrtari pa emër. “Fluturimet hyrëse janë pezulluar dhe fluturimet dalëse janë vonuar”, shtoi ai.
Të hënën dhe të martën, 21 dhe 22 gusht, Rusia raportoi një seri sulmesh me dronë ukrainas, duke përfshirë edhe Moskën.
Kryebashkiaku i Moskës Sergei Sobyanin tha se ushtria ruse rrëzoi dy drone luftarake në perëndim të kryeqytetit rus herët në mëngjesin e së martës.
Dronët u rrëzuan mbi qytetin e Krasnogorsk dhe vendbanimin Chastsy, tha ai.
Ministria ruse e Mbrojtjes njoftoi se ushtria rrëzoi dy dronë ukrainas mbi Detin e Zi, 40 kilometra në veriperëndim të Krimesë, të hënën në mbrëmje rreth orës 23:00 me orën lokale.
Another Drone is reported to have Crashed onto a Roadway in the Mitino District of Northwestern Moscow causing No Damage to Cars or Buildings in the Area; it is Unknown if the Drone was Shot Down or why it Crashed. pic.twitter.com/mWXvxFtEKp
— OSINTdefender (@sentdefender) August 22, 2023
Ai raportoi gjithashtu dy drone të rrëzuar herët në mëngjes të së martës në rajonin Brjanska, i cili kufizohet me Ukrainën. /tesheshi.com/
