Organizatori i tubimit theksoi se ai dëshiron të djegë këto tekste fetare në përgjigje të djegies së një kopje të Kuranit
Policia suedeze ka dhënë leje për një tubim në të cilin tre persona planifikojnë të djegin një kopje të Biblës dhe një kopje të Torës(Teuratin) përpara ambasadës izraelite në Stokholm, një vendim i policisë që u dënua menjëherë nga Izraeli.
Sipas kërkesës drejtuar policisë, organizatori i tubimit theksoi se donte të digjte këto tekste fetare në përgjigje të djegies së një kopje të Kuranit në një tubim të mbajtur në qershor para xhamisë së Stokholmit, gjë që shkaktoi zemërim në bota muslimane.
Ky akt është planifikuar të mbahet të shtunën nga ora 13:00 deri në 14:00 me orën lokale.
Në përgjigje të AFP, policia pretendoi se leja për tubimin nuk ishte dhënë për një kërkesë zyrtare për djegien e teksteve fetare, porse ishte lejuar një tubim publik për të shprehur një “mendim” bazuar në të drejtën kushtetuese të lirisë së tubimit.
“Dallimi është i rëndësishëm,” shtoi Karina Skagerlind, një zëdhënëse e policisë së Stokholmit.
Megjithatë, tubimi i planifikuar ka provokuar dënimin e fortë nga Izraeli dhe organizatat hebraike.
“E dënova djegien e Kuranit, i cili është i shenjtë për myslimanët në mbarë botën, dhe sot më shkatërron që i njëjti fat e pret Biblën hebraike, librin e përjetshëm të popullit hebre”, komentoi presidenti izraelit Isaac Herzog.
Yaakov Hagoel, president i Organizatës Botërore Sioniste, vendosi nga ana e tij se dhënia e një leje të tillë nga policia nuk bie nën “lirinë e shprehjes, por antisemitizmin”.
Më 28 qershor, një refugjat irakian në Suedi dogji disa faqe të Kuranit përpara xhamisë më të madhe në Stokholm, në ditën e festës myslimane të Kurban Bajramit.
Kjo ngjarje shkaktoi reagime në botën myslimane dhe nga Këshilli i OKB-së për të Drejtat e Njeriut, i cili miratoi një rezolutë të mërkurën që dënon djegien e Kuranit dhe aktet e tjera të urrejtjes fetare.
Tashmë pritet të shihet nëse do guxohet të cenohen librat e tjerë të shenjtë, pararendës së Kuranit. /tesheshi.com/
