Vendi skandinav është një prej më të parapëlqyerve për refugjatët, e njëkohësisht një prej më bujarëve në pritjen e tyre, por kjo ka çuar së fundi në një pamundësi të kontrollit të tyre.
Edhe pse ushtria u ftua në krye të kësaj jave të ndihmojë në kontrollin e vërshimit të refugjatëve, një rivendosje e kontrollit të imët kufitar është parë si një zgjidhje më e përshtatshme.
Situatën do ta përshkruante vetë ministri i Brendshëm i qeverisë suedeze, Anders Ygeman, i cili do të thoshte, “Një numër rekord refugjatësh por arrijnë në Suedi. Zyra e emigracionit është nën presion të madh … dhe policia beson se ka një kërcënim ndaj rendit publik.”
Mbi 10.000 refugjatë kanë mbërritur për çdo javë në kufijtë e Suedisë gjatë kohëve të fundit.
Ygeman do të nënvizonte se kontrolli i shtuar kufitar nuk kërkonte të kufizonte numrin e azilkërkuesve, por që të kishte një kontroll më të mirë të vërshimit të tyre drejt Suedisë.
Njëkohësisht ai u dërgoi dhe një mesazh vendeve të tjera të BE-së, duke u kërkuar të marrin përgjegjësi. “Sinjali ynë për pjesën tjetër të BE-së është i qartë kristal. Suedia është vendi që ka mbajtur përgjegjësinë më të madhe për krizën e refugjatëve. Nëse ne duhet të merremi me këtë sfidë reciproke, vendet e tjera duhet të marrin përgjegjësinë e tyre.” /tesheshi.com/
